Ghost of Mae Nak: பத்தொன்பதாம் நூற்றாண்டின் ஆவி

ghost-of-mae-nak-movie-poster-2005-1020402716

தாய்லாந்தில் நீண்ட நெடுங்காலமாக அந்நாட்டு மக்களை பயத்தில் ஆழ்த்தி வந்த ஒரு பேய்க்கதை இருக்கின்றது. அதுதான் மா – நாக் இன் கதை.

பத்தொன்பதாம் நூற்றாண்டில், மங்குட் (1851-1868) என்ற அரசனின் காலகட்டத்தில் இக்கதை நடக்கிறது. நாக் என்ற பெண், டிட் மாக் என்ற ஒரு ஆடவனை மணம் செய்து கொள்கிறாள். அவர்கள் இல்லற வாழ்வை அமைத்துக் கொள்ள பேங்-காகில் இருக்கும் ஒரு கிராமத்தின் வீடு ஒன்றில் குடிபோகிறார்கள். கொஞ்ச காலத்திலேயே மாக் யுத்ததிற்கு அழைக்கப்பட்டு செல்கிறான். செல்லும் போது அவன் மனைவியையும், வயிற்றில் இருக்கும் குழந்தையையும் தனியே விட்டு விட்டு செல்கிறான்.

அவன் போன சில காலத்திலேயே வயிற்றில் பிள்ளையுடன் நாக் இறந்துவிடுகிறாள். தாய்லாந்து மக்களின் நம்பிக்கையின் படி, வயிற்றில் பிள்ளையுடன் இறக்கும் பெண்களின் ஆவி, அதிக சக்தி படைத்த “Phi Tai Hong Thong Klom” ஆவியாக உருவெடுக்கும், என்ற கருத்து நிலவி வருகிறது. இன்றும் கூட. அவள் ஆவியாக அழைகிறாள்.

தன் கணவன் மீது இருக்கும் தீராக் காதலால், மீண்டுமொருமுறை மனித உருவெடுத்து, அதே வீட்டில் கணவன் வரும் வரை பிறந்த பிள்ளையுடன் காத்திருக்கிறாள்.

கணவனும் யுத்தம் முடிந்து திரும்புகிறான். தன் மனைவி இப்பொழுது ஒரு ஆவி என்பதை அறியாமலேயே அவளுடன் வாழ்க்கை நடத்துகிறான். கிராம மக்களின் எச்சரிக்கையை அவன் பொருட்படுத்துவதில்லை.

ஒரு நாள், இவன் குளித்துக் கொண்டிருக்கும் போது, எழுமிச்சை பழமொன்று நழுவி விழுகிறது. தாய்லாந்து கிராமப்புற வீடுகள் நிலத்தில் இருந்து உயர்த்தப்பட்டு, பம்புகளால் அல்லது பலகைகளால் கட்டப்பட்டிருக்கும். இவள் கைகள் நீண்டு அந்த எழுமிச்சையை எடுக்க, இவன் அதனை அவதானித்து விடுகிறான். அவள் இப்பொழுது ஒரு ஆவி என்பதை புரிந்து கொண்டு, எப்படியோ வீட்டில் இருந்து தப்பித்து விடுகிறான்.

அவனுக்கு அடைக்கலம் கொடுத்தவர்கள் நாக்-இன் ஆவி கொல்கிறது.

பின்னர், சாதுக்களின் உதவி கொண்டு நாக்-இன் தீய ஆவி ஒரு மட்பண்டத்தினுள் சிறைபிடிக்கப்படுகிறது. அது பாலி மொழியில் எழுதப்பட்ட மந்திரங்கள் அடங்கிய ஒரு துணியால் சுற்றப்பட்டு ஆற்றினுள் வீசப்படுகிறது.

ஆனாலும், கதை இத்துடன் முடிவதில்லை. ஒரு சில மீனவர்கள், மீன் பிடிக்கும் போது இந்த ஜாடி அகப்பட, அவர்களை அறியாமல் திறந்து விடுகின்றனர். மறுபடியும் நாக்-இன் ஆவி வெளிவந்துவிடுகிறது.

இம்முறை கணவனை வேறு பெண்ணுடன் கண்ட நாக், அவளை கொன்று விடுகிறது.

சாதுக்கள் மீண்டுமொரு ஜென்மம் எடுத்து நீ மாக்-உடன் சேர்ந்து சந்தோஷமாக வாழ்வாய் என்று கூறியவுடன்தான் அதன் இரத்த வெறி அடங்கியதாக கூறப்படுகிறது.

தாய்லாந்தில் மா-நாக் இற்கு பல கோயில்கள் காணப்படுகின்றன. அதில் நாக்-உம், அவளது குழந்தையும் இருக்கும். மா என்றால் தாய் என்று பொருள்படும்.

தாய்லாந்தின் தாய்மார்கள் தங்கள் பெண் பிள்ளைகளை பாடசாலை முடிந்தவுடன் அவசரமாக வீட்டை அடைந்து விட வேண்டும் என்பார்கள். இல்லாவிட்டால் நாக்-இன் ஆவி அவர்ளை பிடித்துவிடும் என்று பயமுறுத்துவார்கள்.

தாய்லாந்து சினிமாவின் மௌனயுகம் துவங்கி இன்று வரை 20 இற்கும் மேற்பட்ட சினிமாக்கள் இந்தக் கதையை வைத்து உருவாக்கப்பட்டிருக்கிறது. இது தவிர தொலைக்காட்சித் தொடர்களும் இந்தக் கதையை மையமாக வைத்து தயாரிக்கப்பட்டிருக்கிறது.

Nang Nak (1999) இல் வந்த திரைப்படம், தாய்லாந்து சினிமாவில் பெரும் வரவேற்பைப் பெற்றதோடு உலக அளவில் இந்தக்கதை பிரபலமானது.

Ghost of Mae Nak (2005) இல் வெளிவந்த இத்திரைப்படம், மா-நாக் இன் கதையை மையமாக வைத்து தற்காலத்தில் நடக்கும் ஒரு கதையுடன் தொடர்புபடுத்தப்பட்டு எடுக்கப்பட்டது.

மாக் என்ற மணமகனின் வாழ்வில் ஏற்படும் துர்சொப்பனங்களில் மா-நாக் இன் ஆவி வருகிறது. அவன் மணமுடிக்கப் போவது நாக் என்ற பெண்ணை. அவன் வாழ்வில் தொடர்ந்து நடக்கும் துர்சம்பவங்களும், மரணங்களும் மா-நாக் இன் ஆவியை விடுவிக்க நடைபெறும் விதியாகவே இருக்கிறது.

படத்தில் தாய்லாந்து நம்பிக்கைகளும், சாதுக்களும் வருகின்றனர். பேய் விரட்டும் சம்பிரதாயங்களும் படத்தில் அழகாக காட்சிப்படுத்தப்பட்டுள்ளது. திகில் சினிமாவுக்கு முக்கியமாக இருக்க வேண்டியது அதன் இசை. இத்திரைப்படத்தில் ஆரம்பத்தில் இசையுடன் அவ்வளவாக ஒன்ற முடியவில்லை. ஆனால் போகப் போக, அந்த இசை மெருகேறி கதையுடன் ஒன்றிவிடுகிறது. முக்கியமாக பௌத்தர்களின் இசைக்கருவிகள் இசைக்கும் அந்த அமானுஷ்ய இசை, இப்படத்தில் அருமையாக பயன்படுத்தப்பட்டிருக்கிறது. தாய் சினிமாவில் பௌத்தத்திற்கு எப்பொழுதும் ஒரு முக்கிய பாத்திரம் வழங்கப்பட்டிருக்கும். பௌத்தம் அவர்களது வாழ்வுடன் பிணைந்திருக்கின்றது.

nang-nak-movie-poster-1020474701

நாட்டாரியல் என்றால் என்ன?

நாட்டார் என்ற சொல் பாமர மக்களைக் குறிக்கும். படிப்பறிவில்லாத என்றும் பொருள்படும். ஏட்டுக்கல்வி அறிவு என்பதுதான் இவர்களிடம் இருக்காது, மற்றபடி நிலத்தையும், மரத்தையும், வானையும் பார்த்து நாளை இன்ன நேரத்தில் மழை பெய்யும் என்று கூறிவிடுவார்கள். புல்லுகளின் தன்மையை வைத்து இன்ன விலங்கு இந்தப் பகுதியால் சென்றிருக்கின்றது என்று சொல்லிவிடுவார்கள். அறிவு என்பது  புத்தகத்திலும், பட்டங்களிலும் இல்லை. ஏன் இவ்வளவு சொல்கிறேன் என்றால், பாமர மக்கள் என்ற அடைமொழி முட்டாள்கள், காட்டுமிராண்டிகள் என்ற அர்த்ததில் இங்கு நோக்கப்படுகிறது என்பதாலேயே. ஒரு நிழல், கனி தரும் மரத்தை வெட்டும் நமக்கும், மரத்தில் ஒரு பகுதியை விலங்குகள் பறவைகளுக்காக ஒதுக்கிவிடும் பழங்குடி சமூகங்களுக்கும் இடையிலான வித்தியாசத்தை இந்த காட்டுமிராண்டிகள் என்ற பதத்துடன் ஒப்பிட்டுப் பார்த்துக் கொள்ளலாம்.

இந்த பாமர மக்கள் கூறும், பழங் கதைகள், பாடல்கள், இசை, வாய்மொழிக் கதைகள், நகைச்சுவைகள், பொதுமக்கள் நம்பிக்கைகள், தேவதைக் கதைகள், கலாசார மரபுகள் என்று நாட்டார் வழக்கில் வெளிப்பட்டு நிற்கும். அவர்களின் இன உணர்வுகள் அவர்தம் இனங்களில் உள்ள நாட்டார் வழக்குகளில் வெளிப்பட்டு நிற்கும். நாட்டார் கதைகள் மிகவும் எளிமையானவை. அது அவர்களின் கற்பனை, எண்ணங்கள், படைப்புகள் ஆகும்.

மேலே சொன்ன மா-நாக் இன் கதையும் நாட்டார் வழக்குக் கதைகளின் ஒன்றுதான். நாட்டாரியல் காலத்துக்குக் காலம் நவீன சாதனங்களை உள்வாங்கிக் கொண்டு அதன் வடிவங்களை மாற்றிக் கொள்ளும். நெருப்புமூட்டி கதைசொன்ன காலம் கடந்து, நாடக பாணியில் அதே கதையை சொல்லும் காலம் வந்தது. பின்னர் அது சினிமாவாக மாறியது.

உலகில் பல பாகங்களில் நாட்டாரியல் கூறுகள் நவீன சாதனங்களின் உதவியுடன் மீட்டுருவாக்கம் செய்யப்பட்டுக் கொண்டிருக்கின்றன. லத்தீன் அமெரிக்க சினிமா, கிழக்காசிய நாடுகளின் திகில் சினிமா என்று பல்வேறு சினிமா உதாரணங்களைக் கூறலாம்.

பழங்கதைகளை இன்று மறுபடியும் சினிமா என்ற ஊடகத்தின் மூலம் மீட்டுருவாக்கம் செய்ய முடியும். அதற்கான சாதனங்களும், வளங்களும் இன்று நிறையவே இருக்கின்றன. இதற்கு மாற்றமாக, மசாலா மற்றும் இறக்குமதி சினிமாக்களையும், ஹாலிவூட் தனங்களையும் முன்மாதிரியாகக் கொண்டே இங்கு சினிமாக்கள் உற்பத்தி செய்யப்படுகின்றன. சினிமா ஒரு கார்ப்பரேட் வியாபாரமாகிப் போயிருக்கின்றது.

மா-நாக் இன் கதை போன்று தமிழ்ச் சூழலில் ஆயிரம் கதைகளை பொறுக்கி எடுக்கலாம். அதில் ஒன்றுதான் மோகினிக் கதை. அதனுடன் தொடர்புடைய ஒரு சம்பவத்துடன் கட்டுரையை முடிக்கிறேன்.

ஒரு நாள், ஆட்டோவில் ஒரு ஆளை விட்டு விட்டு வரப் போனான் கணேஷ். திரும்பு தனியேதான் வரவேண்டும். அதுவும் போகும் பாதை வேறு ஒரே காடு. குறித்த இடத்தில் ஆளையும் ட்ராப் செய்து விட்டு. நெஞ்சில் உள்ள தெய்வங்களை எல்லாம் வேண்டிக் கொண்டு பயணித்தான்.

ஒரே இருட்டு. ஆட்டோவின் முன் விளக்கும், உள்ளே எரியும் மின்விளக்கும்தான் இருந்த ஒரே வெளிச்சம். எந்தப் பக்கமும் பார்க்காமல் நேராக ரோட்டையே வெறித்துப் பார்த்தப்படி சென்று கொண்டிருந்தான். இல்லை செலுத்தப்பட்டுக் கொண்டிருந்தான் என்பதே சரி.

தூரத்தில் வெள்ளை உருவம் ஒன்று தெரிய திக் திக் என்றிருந்தது.

நெருங்க நெருங்க பீதி பேதி மாதிரி இறங்கிக் கொண்டிருந்தது. நெருங்கிய போது ஒரு பெண். வெள்ளை சாரி அணிந்த ஒரு பெண். கையில் ஒரு குழந்தை. கைக்குழந்தை.

கையை நீட்டி வண்டியை நிறுத்த சமிக்ஞை செய்தாள். ஏற்கனவே பல கதைகளை கேட்டு இருப்பதால் நிறுத்தாமல் அப்படியே சென்று விட்டான்.

கொஞ்ச நேரம் கழித்து, பின்னாடி யாரோ இருப்பது போன்ற ஒரு உணர்வு. திரும்பி பார்க்கவும் மனமில்லை.

தைரியத்தை வரவழைத்துக் கொண்டு மெல்லத் திரும்பினான்.

வாயெல்லாம் இரத்தம். சாப்பிட்டு மீதியாக இருந்த குழந்தையின் பாகங்கள்.

பிறகு என்ன நடந்தது? தெரியாது.

ஆனால் கதையை அவன்தான் சொன்னான்.

உதவிய கட்டுரைகள்:

1. மனிதப் பண்பாட்டைக் கட்டமைப்பதில் தொன்மங்களும் நாட்டாரிலக்கியங்களும் – பேராசிரியர் எம்.எஸ்.எம். அனஸ்

2. http://www.thaiworldview.com/bouddha/maenak.htm

Advertisements

2 comments

  1. பின்னர், சாதுக்களின் உதவி கொண்டு நாக்-இன் தீய ஆவி ஒரு மட்பண்டத்தினுள் சிறைபிடிக்கப்படுகிறது. அது பாலி மொழியில் எழுதப்பட்ட மந்திரங்கள் அடங்கிய ஒரு துணியால் சுற்றப்பட்டு ஆற்றினுள் வீசப்படுகிறது.

    ஆனாலும், கதை இத்துடன் முடிவதில்லை. ஒரு சில மீனவர்கள், மீன் பிடிக்கும் போது இந்த ஜாடி அகப்பட, அவர்களை அறியாமல் திறந்து விடுகின்றனர். மறுபடியும் நாக்-இன் ஆவி வெளிவந்துவிடுகிறது.

    Inda parta edo oru tamil cinemala pata madiri nabagam

  2. realy nice article about one flim expecialy meaning about நாட்டாரியல்…. now only am know about this flim and there natures … thank you so much too you bro 🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s