குறுந்தகவு

Basic RGB

2013 ஆம் ஆண்டின் இறுதிக்கட்டத்தில், ஒரு அதிகாலைப் பொழுதில்… அல்லது அதிகாலைப் பொழுதிற்கு கொஞ்சம் நேரம் கழித்து.

– 1 –

SHOW

CLICK

THE MESSAGE YOU HAVE SENT IS FAILED PERMANENTLY

15, NOV, 2095

கண்கள் சிவந்து போய் அரைத்தூக்கத்தில் இருந்த தாரிக்.

DELETE

சட்டென்று மண்டைக்கு பொறி தட்ட, too late.

கனவா? குழம்பியபடியே புரண்டு படுத்தான். மறக்காமல் 7 மணி alarm ஐ 8 மணிக்கு மாற்றிவிட்டு.

8 மணி.

இன்னும் ஒரு 10 நிமிஷம்.

இரவு போட்டிருந்த டவுன்லோட் முடிந்திருக்க. மானிட்டர் ஸ்க்ரீனை ஆ.ஃப் செய்யாமல் தூங்கி விட்டோமே… ஷிட்.

கண்கள் Insomnia அல் பசினோ மாதிரி இருக்க, அல் பசினோவுக்கு இருக்கும் அந்த நிலைதான் இவனுக்கும். நாள் முழுக்க கம்ப்யூட்டர் முன்னால். வீடு வந்து டீ குடித்து, குட்டித்தூக்கமொன்று போட்டுவிட்டு மறுபடியும் வேதாளம் கேஸ்தான். எல்லாம் இந்த பேஸ்புக்கால் வந்த விணை. அந்த கருமம் வருமுன் இவனும் ஒரு இணைய ஆய்வாளன் ரேஞ்சுக்குத்தான் இருந்தான். ஆனால் இப்போ நிலை வௌவால் மாதிரி. என்னதான் பிரச்சினை இவனுக்கு? அதே கேள்வியைத்தான் அவனும் கேட்டுக் கொள்கிறான். கண்ணாடி பார்த்து இல்லை தூங்கும் முன் சுவர் பார்த்து. முன்னர் எல்லாம் 12 மணி என்றிருந்த உறக்கநிலை பின்னர் 1 மணியாகி இப்போ இரண்டில் தொங்கிக் கொண்டு இருக்கிறது. இந்த பிரச்சினையை ஒரு உளவியல் விற்பன்னரிடம் விட்டு விட்டு. கதைக்கு வருவோம்.

1100i அழிக்க முடியா டப்பா மொபைலை வைத்துக் கொண்டு இத்தனை நாள் எப்படி ஓட்டினானோ தெரியவில்லை. ஆனால் அதுக்கு பின்னாடி பெரிய பிலோஸாபி எல்லாம் கிடையாது. வெறும் பணப்பிரச்சினைதான் (வெறும் பணப் பிரச்சினை???) சைனிஸ் மொபைல் வாங்க மாட்டான் ஏனென்றால் ஏற்கனவே இரண்டு தடவை அடிவாங்கிவிட்டான். பெட்டரி லைப், சிக்னல் இரண்டும் இமயம் சென்றாலும் குறையாது. இந்த 1100i பற்றி நிறைய கதைகள் கூகுள் பண்ணிப்பார்த்தால் தெரியும். அதிலொன்று லார்ட் ஆப்த ரிங் படத்தில் ப்ரோடோ 1100i வை Mount Doom ற்கு கொண்டு சென்று அழிக்கப்பார்த்தான்… ம்ஹ்ம்.

Graphic Designer.

வேலைத் தளம், வேலை நடுவே பேஸ்புக் ப்ரேக் வேலை லஞ்ச் பேஸ்புக் வேலை. 4.30

எஸ்கேப்.

ப்ரோக்ராம் செய்யப்பட்ட வாழ்க்கை.

இவற்றுக்கு நடுவில் அந்த மெசேஜ் நினைவுக்கு வந்து போக. மொபைலில் ட்விட்டர் அக்டிவேட் பண்ணியிருக்கின்றான். எந்த மெசேஜ் வந்தாலும் பட் பட் என்று படித்துவிட்டு ஒரே டிலீட். இன்பாக்ஸ், சென்ட்பாக்ஸ் இரண்டும் always empty.

அப்படியிருந்தும்.

“ச்சி அப்படியிருக்காது…” மனதில் நினைக்கவில்லை. தனக்குத் தானே பேசிக் கொண்டான். பக்கத்தில் இருந்த மனுசன் பார்த்துக் கொண்டே நகர. இவன் வாயில் பிரபல சொல்லாடல்கள் வந்து போயின.

4.30 எஸ்கேப்.

பஸ்.

அளந்து கொடுத்த சில்லறையிலும் 1 ரூபா மீதி தராத கண்டக்டரைப் முறைத்தான். அவன் பார்க்காத போதுதான். விலைவாசி உயர்வு, அரசாங்க மொன்னைகள், நாளிதழ் அரசியல் கார்டூன், பக்கத்து சீட்டில் இருந்த அழகான பெண். முறைப்பு கேன்சல்.

NOKIA DEFAULT MESSAGE TONE

//மச்சி பட்சி சிக்கிருச்சிடா// (Translated from Thaminglish)

யார்டா நீ.

ஜன்னல் ஓரப் பைங்கிளி இவனைப் பார்க்க. நல்லவேளை ஒரு புன்னகையோடு நிறுத்திக் கொண்டான். சற்றேனும் பிசகியிருந்தால். இளிப்பான்.

DOWN BUTTON

SENDER: ஊர் பேர் தெரியாத இலக்கம்

SENT: 15, NOV, 2095 – 10.46 PM

– 2 –

எவனோ விளையாடுறான். நம்மகிட்டயேவா.

DOWN BUTTON

குழம்பினான்.

DATE SETTINGS

எல்லாம் ஓகே.

அப்படித்தான் இருக்கும்… அனுப்பினவன் மொபைல்ல திகதி, டைம் எல்லாம் பிழையா செட் செஞ்சி இருக்கும். மண்டைக்கு பட்ட எல்லா logical probabilities எல்லாம் ட்ரை பண்ணினான். கூடவே அவன் பார்த்த டைம் ட்ராவல் படங்கள் எல்லாம் தே ஜா வூ ஆயின.

என்ன நடக்குது.

BALANCE CHECK

77.44 என்று வந்தது.

ஒரே வழி.

DIALING

முன்னாடி கண்ணாடி. முகம் பார்த்து.

ஏதோ படத்தின் புதுப்பாட்டு ஓடிக் கொண்டிருந்த்து. வரிகள் புதுசு ஆனா ட்யூன் எங்கோ கேட்ட மாதிரி இருக்கே. அடக் கருமாந்திரம் புடிச்சவனே நீ போட்ட காப்பியே நீயே குடிக்கிறியா. அந்த புது இசையமைப்பாளரை நினைத்துக் கொண்டான்.

அழகன்டா நீ.

“ஹலோ…” இவன்தான்.

“…………………………… (இரைச்சல்) …………………………………”

“மெசேஜ் ஒன்னு வந்திருக்கு… நீங்க யார் பேசுறது?”

“…………………………… (இரைச்சல்) …………………………………”

பொதுவாக இவன் மிஸ் கால், ரோங் கால் எல்லாம் அவ்வளவு அலட்டிக் கொள்வதில்லை.

சும்மா என்னத்துக்கு வீண் செலவு. கட் செய்தான்.

பெலன்ஸ் மெசேஜ் வரும் வரை அழுக்கு புடிச்ச ஸ்க்ரீனையே பார்த்துக் கொண்டிருந்தான்.

YOUR LAST CALL CHARGE IS RS. 77.00, YOUR CURRENT ACCOUNT BALANCE IS 00.44 CENTS

ங்.

– 3 –

வீடு.

உம்மா டீ. கொதிக்க கொதிக்க வேணும்.

தலைவலி.

Customer Care. இது பற்றி யாரும் நல்லவிதமாக பேசியதில்லை. இவன் மட்டும் புதிதாக எந்த கருத்தும் அது பற்றி வைத்திருக்கவில்லை. பொதுக்கருத்துதான் இவனிடமும் இருந்தது. சிம் எடுத்து யுகங்கள் ஆகியும் இதுவரையில் 3 தடவைதான் C.C க்கு கால் எடுத்திருப்பான். அவை எதற்கு என்பதற்குள்,

ஒரு டீ, ஒரு பன்.

“ஹலோ நான் கத்ரீன், உங்களுக்கு எவ்வாறு உதவ முடியும் சேர்”

என்ன குரல்டா.

கோபம் தனிந்து லவர் பாய் ஆகிவிட்டான்.

விடயத்தை மனப்பாடம் செய்து கொண்டு வந்திருக்கும் குட்டிப்பையன் போல் ஒப்புவித்தான். கலாச்சாரம்.

“உங்க மொபைல் நம்பர சொல்லுங்க சேர்”

“அப்படியே தொடர்பில் இருங்க உங்களை மீண்டும் அழைக்கிறோம்.”

CALLER WAITING TUNE

அட இந்த பாட்டுதான். இந்த மொக்கை பாட்டையே காப்பி அடிச்சி இருக்கான்.

“காத்திருந்தமைக்கு நன்றி”

“இட்ஸ் ஓகே” க்ர்ர்ர்ர்ர்ர்ர்ர்ர்ர்

“நெட்வர்க்ல ஏதோ பிரச்சினை சேர். உங்க அமௌன்ட் திரும்பி கிடைக்கும். அதற்கு ஒரு 50 அல்லது 100 ரீலோட் போடுங்க”

MUTE

RELOAD

BONUS 77.00

என்ன நெட்வர்க்கோ?

பட்சி சிக்கிருச்சி.

சுவர் பார்த்து சிந்தனை செய்தான்.

என்ன நடக்குது. யாரவன்? கண்டிப்பா அவன்தான் மச்சி – பட்சி, அவன். யாரவன்?

இன்னும் கொஞ்ச நேரத்தில் இரண்டாகிவிடும். கம்ப்யூட்டர், படம், பேஸ்புக்… ஒன்னுமில்ல வெறும் சுவர்தான். என்னடா நடக்குது.

7 மணி அலார்ம்

8 மணி அலார்ம்

10 நிமிஷம்

ஓகே, ஆபிஸ்.

“மச்சி எல்லாம் ஓகே நீ சொன்ன மாதிரி செஞ்சுட்டேன் இனி உன் கையில்தான் இருக்கு”

16, NOV, 2095

time-machine

– 4 –

WTF

என்னடா நடக்குது இங்க? 1100i பார்த்து முனகினான்.

மறுபடியும் என்னடா நடக்குது இங்க?

தாரிக். இனி இவன் செய்யப் போகும் ஷெர்லாக் வேலைகளுக்கு முன்னர் இவன் பற்றி கதைக்குத் தேவையான விடயங்களை பார்த்து விடுவது நல்லது.

இதுவரை,

சோம்பேறி, தொழில்ரீதியாக போரிங் லைப், தூக்கமின்மை, நிறைய படம் பார்ப்பான், பேஸ்புக்ல அடிக்கடி காணலாம் அல்லது நிஜவாழ்வில் அடிக்கடி காணலாம்.

இடையில்,

வீட்டுக்கு வந்து விட்டான். Saturday, Half Day.

இனிமேல்,

உயர அகல சதுர விடயங்கள் எல்லாம் ஹென்ட்சம் பையனுக்கு உள்ளவைதான். 26 வயசு இன்னும் சரியான பார்ட்னர் கிடைக்கவில்லை. குறைந்தபட்சம் 60% பொறுத்தமான பெண்னை ஏப்ரல் காலையில் பார்க்கும் வரை காத்திருக்கிறான். நடை உடை எல்லாம் கேசுவல். எல்லோரும் போல் இருக்கமாட்டான் ஆனா ஸ்டைல் இருக்கும். புத்தகங்கள் – வாழ்க்கை. சரி, இதெல்லாம் கதைக்கு எந்தவகையில் உதவப்போகிறது?

ஷெர்லாக் ஹோம்ஸ்!

யோசி தாரிக் யோசி! உன்னால முடியும். இப்படியே 3 மணிநேரம் கடந்துவிட்டதை ஹிட்ச்காக் ஸ்டைல் கடிகாரம் காட்டியது.

ஆரம்பத்தில் இருந்து வருவோம். Delivery Failed Message, அப்படியென்றால் என் மொபைலில் இருந்துதான் அனுப்பியிருக்க வேண்டும். Sent box – always empty.

2nd Point!

பட்சி: பெண், பொருள், டீலர், வண்டி, சரக்கு, கடன்காரன், பறவை.

சிக்கிருச்சி: மேற்கூறிய யாவும் கிடைத்து விட்டது.

மச்சி: நண்பன்.

3rd Point!

சிக்கல். ஒரு நிமிடத்திற்குள் 77.00 உம் அம்பேல் ஆன கதை. சத்தியமா அந்த இலக்கம்

உள்ளுர்தான். அப்படியிருந்தும்,

1. Network Error

2. Call Charge கூட்டப்பட்டுள்ளது.

இதில் இரண்டாவது விடயம்; இப்போ ரேட் ஒரு நிமிடத்திற்கு .60 சதம். 77.00 ரூபா என்றால்… 2095 அரசாங்கம். 😦

கத்ரீன். ❤

4th Point!

//மச்சி எல்லாம் ஓகே நீ சொன்ன மாதிரி செஞ்சுட்டேன் இனி உன் கையில்தான் இருக்கு//

இதுல இருந்து என்ன தெரியுது? என் மொபைலில் இருந்து மெசேஜ் போயிருக்கு!

தாரிக், என்னடா யாரோட பேசிக் கொண்டு இருக்காய்?

உம்மா.

இல்லம்மா சும்மா!

எப்ப பாரு கண்ணாடி முன்னாடி… அழகாத்தான்டா இருக்கு மூஞ்சி. என் புள்ளக்கி என்ன குறை! பாசம்.

தாரிக்கிற்கு காலப்பயண முன் அனுபவம் எதுவும் இல்லை. அதனால் இது நடக்க சான்ஸ் இல்லை என்பது அவனது வாதம். அடிங்…

Nokia 1100i

Battery Life – Talk Time 4hrs விடாம. Stand by MODE 400hrs கடைசி ஒரு கட்டையிலும் இன்னுமொரு 24 மணிநேரம் இருக்கும். புது பெட்டரியாக இருந்தால். Apple iPhone? // 😛 //

Signal நடுகாட்டிலும் சுடுகாட்டிலும் ட்ரீங் ட்ரீங் (Y)

குறுந்தகவல் அனுப்ப சொல்லிவைத்தாற் போல் ஒரு மொபைல். காதலர்க்கு புறா!
எல்லா மொபைலும் யுகப்பாய்ச்சலில் சிக்குண்டு காணாமல் போய்விட்ட பின்னரும் அணுவெடிப்பில் தப்பித்த கரப்பான் போல் இன்னும் மேய்ந்து கொண்டு இருக்கிறது.

multiverse

அஸ்லம்,

யாரிவன் திடிரென்று? நண்பனின் நண்பன் ஓசியில் உதவி செய்வான் என்ற பழமொழிக்கு ஒத்த ஒரு பாத்திரம். இவனைப் பற்றி சொல்ல IT company ஒன்றிற்கு செல்ல வேண்டும்.

PUSH

அதிநவீன கட்டடம், முழுக்க முழுக்க க்ளாஸும், சில்வர் முலாம் கம்பிகளும். முன்னால் இருந்த கோணல் மாணல் தடாகம். புல் ஏஸி. நம்ம ஆபிஸும் இருக்கே… 😦

மா நகரப் பெருவெளி
மய்யமான கட்டடம்
ஆறாவது மாடி
அயல் நாட்டு நிறுவனம்
ஐ.டி துறை வேலை
ஐந்திலக்க சம்பளம்

பார்வை. புன்னகை. “தாரிக், இப்பதான் ரிம்சானோட பேசினேன்… லைட்டா சொன்னான்.”

தனி ரூம். காலையில் அழகாக இருந்திருக்க வேண்டும்.

“இன்னொருக்கா சொன்னா என்னான்னு பார்த்து விட முடியும்”

செவி கவ்வும் ஹெட்
ஃபோன்
நுனி நாவில் ஆங்கிலம்
விரல் ஒற்றும் விசைப்
பலகை
விழி மேயும்
கணித்திரை

முழுக்கதையையும் சொன்னான் ட்ரைலர் மாதிரி.

பின்னிரவின்
மணித்துளிகள்
டிஜிட்டலில் கரைய
ஸைபர் வெளி வழியே
தொடரும் எந்திர தவம்

“இந்தாங்க..”

கைமாறிய 1100i (நல்லவேளை நக்கல் நமட்டுச் சிரிப்பு ஒன்றும் அவன் முகத்தில் தோன்றவில்லை)

“என்னாது இது..” அப்படியே ஷாக் ஆயிட்டேன்.

இடைக்கிடை தெம்பேற்ற
நுரை பொங்கும்
நெஸ்கஃபே
சமயங்களில்
அகால வேளை குறும்
பசிக்கு
ஒற்றை அழைப்பில்
கதவு தட்டும்
பீட்ஸா
(இருவருக்கானது;
இலவசம்: ஒரு கோக்!)

நீண்ட நேர டிக் டிக் டிக். தாரிக் தனக்குத்தானே புலம்பிய கேள்விகளை அவனும் கேட்டான்.

அஸ்லம். 099 நெட்வர்க், IT Department – பயங்கர தலை.

‘என்னால ஆபிஷியலா செக் பண்ண முடியாது… ஆனா ட்ரை பண்றேன், இந்த மெசேஜ் எங்க நெட்வர்க்தான்…’

சைபர் மூளை இயங்க ஆரம்பிக்க. லேப்டப் தட் தட். ஸ்க்ரீனில் மேட்ரிக்ஸ்.

இரவுப் பணி முடிந்து
இருப்பிடம் விரைகின்றதான
நிகழ்வுத் தொடர்கள்
கனவு நனவாய்
நழுவியொழுகும்
‘தே ஜா வூ’ தருணங்கள்

வெளியே போய் பேசுவோம் தாரிக்… இப்ப ஓஃப் டைம்!

இலக்கின்றி வெறிக்கும்
உலர்ந்த பார்வைகள்…
நிக்கொட்டின் கசிகிற
நீண்ட பெருமூச்சுகள்…
விளக்கு முட்டும்
விட்டிலினது
சிறகசைப்பின்
கணப்பொழுதினுள்
தோன்றி மறைந்து
இறுகும்
ஸின்த்தட்டிக்
புன்னகைகள்…

இந்த இடத்தில் ஒரு corridor scene வைத்தால். செம.

அறியா முகங்கள்…
பரிச்சயமான
முதுகுகள்…
லிஃப்ட்டைப் பகிரும்
சக பயணிகள்!

மூன்றாவது மனிதன் இருக்குமிடத்தில் ரகஸ்யம் பேசல் கூடாது!

படிக்கட்டு.

செக் பண்ணி பார்த்தேன் தாரிக், அந்த நம்பர நம்ம கம்பனி இன்னும் இஷ்யூ பண்ணல்ல.

???

அப்படியே பண்றது என்றாலும் குறைந்தது பத்து லட்சம் சிம்கள் கொடுத்த பிறகுதான் அந்த நம்பர் வரும். இது சும்மா ஒரு கல்குலேஷன். கூடினாலும் குறையாது…

???

இரண்டே இரண்டு விடைகள் தான் இருக்கு….

1. ஹெக்கர்

2. ப்யூச்சர்ல இருந்து வரும் மெசேஜ்

(ஹெக்கருக்கும் இந்த கதைக்கும் சம்பந்தமில்லை என்பதால் அப்ஷன் ஒன் கேன்சல்)
நேரம் உறைந்து தாரிக் மௌனித்திருந்தான்.

1100i. நான் உனக்கு என்ன பண்ணேன்!

மதியம் வரை நீடிக்கும்
ஆழ் துயில்
அலைவரிசையின்
உதிரிக்கனவுகளுக்கிடையே
அடிக்கடி வந்து
போகிறது
கடவுச் சொல் மறந்து
கைசேதப்படுகிறதான
துர்சொப்பனமொன்று…

PULL

– 5 –

7.45 PM

BREAK.

தாரிக் anytime call பண்ணுங்க… நாளைக்கி இன்னொருக்கா செக் பண்ணி விட்டு I’ll call you…

BIKE. Gone with the Wind.

இன்னும் 1Km நடக்கனுமே.

தாரிக் வீடு போகும் வரையான நேரத்தில் ஒரு பேய்க்கதை சொல்லிவிடலாம். நாய்களுடன்.

முறைக்கிறான்.

சாப்பாடு இறங்கவில்லை என்று சொன்னால் நம்பவா போறாங்க…?

WTF

மறுபடியும் இணைய ஆய்வாளனாக அவதாரமெடுத்து விட்டான்.

Wikipedia Twitter Facebook (WTF)

ஒற்றை வரியில் 140 எழுத்துக்களுக்குள்,

TWEET

14 Nov, 2013

Message Delivery Failed.

14 Nov, 2095

TWEET

FB Comment Box ஐ வெறித்த படி இருந்தான்… ஒரு லைக், ஒரு கமெண்ட் …

அடுத்த டெபில் டாரண்ட்… என்ன படம் போடலாம்? டைம் ட்ராவல் சப்ஜக்ட்.

இந்த சைபர் உலத்தில் யாருமே சீரியஸா இல்லியா என்று வானத்தை பார்த்து கதறினான். வெளியே கேட்கவில்லை.

டவுன்லோடிங்.

குருவி கதறியது!

NOT AGAIN

SHOW

ASLAM, Message

//Send a rply 2 dat FUTURE no, TC//

10.26 PM

//it want help//

//juz a try bro//

//k, ‘ll do it thn//

10.30 PM

இந்த இடத்தில்.

தாரிக் இந்த மெசேஜை அப்பவே இக்னோர் செய்திருந்தால் இவ்வளவு குழப்பம் வந்திருக்காது.

விதி.

Time_Machine_by_Hideyoshi

12.01 AM நாளை.

//மச்சி எல்லாம் ஓகே நீ சொன்ன மாதிரி செஞ்சுட்டேன் இனி உன் கையில்தான் இருக்கு//

ரிப்ளை பண்ணுவோமா? வேண்டாமா?

மர்மம் துலங்க கொஞ்சம் காசு செலவு பண்ண வேண்டும்.

WRITE MESSAGE

தாரிக் கவனம்.

//சரி பட்சி எங்க?//

Send Message கட்ரை விரலை இன்னும் அழுத்த வில்லை.

Nokia 1100i

அழுக்கு டப்பா, அழுத்து இப்ப…

டன்.

வெய்டிங்… வெய்டிங்… வெய்டிங்…

1.30 AM

சுவர். தூக்கம்.

7 மணி அலார்ம்.

8 மணி அலார்ம்.

10 நிமிஷம்.

கண்கள் சிவந்து போய் அரைத்தூக்கத்தில் இருந்த தாரிக்.

SHOW

CLICK

THE MESSAGE YOU HAVE SENT IS FAILED PERMANENTLY

15, NOV, 2095

.

.

.

.

.

.

2013 ஆம் ஆண்டின் இறுதிக்கட்டத்தில், ஒரு அதிகாலைப் பொழுதில்… அல்லது அதிகாலைப் பொழுதிற்கு கொஞ்சம் நேரம் கழித்து.

குறுந்தகவு

UPGRADING V.095

.

..

….

PROCESSING

….

..

.

– உமர் ஷரீப்

கதையில் பாவிக்கப்பட்ட கவிதை வரிகள் “அஜ்னபி” எழுதிய “எந்திரன் 2013” என்ற கவிதையில் இருந்து எடுக்கப்பட்டவை.

Advertisements

27 comments

  1. ஓமர் பாய். ரொம்ப நாளா உங்க மேலயிருந்த //கோபம் தனிந்து லவர் பாய் ஆகிவிட்டேன்// 😉

    • உண்மையில் கலந்திருக்கும் புனைவுகளைத் தேடி… நான் ஒரு தனித்த பயணி!

  2. சூப்பர் சூப்பர்..!! எழுத்து நடையும் பின்னறேள் போங்க.. எனக்கு புடிச்ச ஜானர்.. சீக்கிரமா அடுத்த பாகம் போடுங்கோ.. இல்லைனா நான் எழுதிடுவேன் பாத்துக்கங்க.. 🙂
    இந்தக்கதையிலிருந்து எந்த பாகத்தை உருவலாம்னு யோசிச்சுக்கிட்டு இருக்கேன்.,!! 🙂

    • உருவிடுவீங்க…? காப்பிரைட் வழக்கு போட்டு.. ரொம்ப பேமஸாகிடுவேன். ஹி ஹி.

  3. ஆஹா.. கலக்கல் ஆரம்பம்.. டைம் டிராவலில் பேய் பிசாசுகளும் இருந்தால் மூழுமையடைந்துவிடும்.

    • பேய் பிசாசு… சரண், இன்னும் கதை முடியல…! இருக்கலாம் இருக்காமலும் இருக்கலாம்.

  4. //கண்ணாடி பார்த்து இல்லை தூங்கும் முன் சுவர் பார்த்து. முன்னர் எல்லாம் 12 மணி என்றிருந்த உறக்கநிலை பின்னர் 1 மணியாகி இப்போ இரண்டில் தொங்கிக் கொண்டு இருக்கிறது. இந்த பிரச்சினையை ஒரு உளவியல் விற்பன்னரிடம் விட்டு விட்டு. கதைக்கு வருவோம்.//சாருவின் பகடியை போல நினைவு கொள்ள வைக்கின்றது சூப்பர் 🙂

  5. படிக்குரப்போ வர கவிதைகள் எல்லாம் ரெண்டு ரெண்டு சிலது மூணு நாலுன்னு படிச்சிட்டே நம்மாளுக்கு எவ்வளோ திறமைன்னு நினச்சிடே வந்தா கீழ வேற திறமைசாலிக்கு க்ரெடிட் தந்துடீங்க. இருந்தாலும் கதை நல்லா தான் இருக்குபா ஆனா யாரு தான் செண்ட் பண்ணுறது இல்லை இப்படி கதை எழுதுறாருன்னு சொல்லி முடிச்சிடிங்க போல …. ஒரே கஷ்டமப்பா சொல்லிடுங்க ப்ளீஸ்

  6. அர்ஜித் சொன்ன மாதிரி கவிதைகள் உங்களுடையதுன்னு நெனச்சன்… கடைசில கவுத்துட்டிங்க…
    இந்த கதைய வச்சி நல்லதா ஒரு எடுக்கலாம் என்னான்றீங்க????…

  7. //அழுக்கு டப்பா, அழுத்து இப்ப…

    டன்.

    வெய்டிங்… வெய்டிங்… வெய்டிங்…// மீ டூ

  8. ஓமர் பாய் கதை சூப்பர்..!,
    நீங்க நோலன் பேன் ஆஹ்??
    இடியப்பமா இருக்குதே ஆரம்பம் 😉

      • In physics, string theory is a theoretical framework in which the point-like particles of particle physics are replaced by one-dimensional objects called strings.In string theory, the different types of observed elementary particles arise from the different quantum states of these strings. In addition to the types of particles postulated by the standard model of particle physics, string theory naturally incorporates gravity, and is therefore a candidate for a theory of everything, a self-contained mathematical model that describes all fundamental forces and forms of matter. Aside from this hypothesized role in particle physics, string theory is now widely used as a theoretical tool in physics, and it has shed light on many aspects of quantum field theory and quantum gravity.
        இதுவும் ஸ்ட்ரிங் தியரியாம் விக்கிபீடியா சொல்லுது 😛

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s